Toby員工超級細心,會根據你預算幫你同裝修公司聯絡,而且溝通方面如果有咩唔明白,超級有耐性咁幫你解答。 依家幫我搵咗間師傅好好嘅裝修公司,師傅跟到實一實完全唔拖你時間。 有朋友想裝修我都推介佢經Toby手~
有朋友自己搵裝修公司試過爛尾,所以試下搵Toby報個價,最後配對到嘅裝修公司都算符合到budget同需要。裝修期間Toby有幫我同裝修公司之間做協調,最終工程順利完成,手工都唔錯。
用咗Toby嘅平台去搵裝修承造商,整個過程我都有一個好正嘅體驗。 揀定咗承造商之後,平台會一直update工程進度同最新情況俾我知 最後嘅成果都非常滿意。方便性、透明度同服務質素都幾好。
兩次使用Toby既經驗都十分差,客服不專業,有任何爭執就笠水唔理,唔加錢就求求其其收樓驗樓,同裝修公司扯貓尾,盲既都睇到既瑕疵都睇唔到,要個客每樣野督住裝修公司。仲有延期成兩個月都潛水,做得最積極就係sell磚。比五星既人,請問你地良心過唔過意得去?
Toby平台只會搵客比裝修公司,之後發生咩事都唔會處理,因為收左裝修公司錢就只會幫裝修公司,唔會中立。另外部分專員態度極有問題,會鬧返客,唔知間公司點培訓員工,總之一肚氣。