「蟹」逅相逢於金秋@帝京軒 今年跟大閘蟹有緣於早前於帝京酒店內的帝京軒五度逐蟹！品嚐餐廳八道菜的金秋蟹悅宴質素相當不俗，值得動用我的僅餘Quota去好好品嚐。 品嚐大閘蟹絕對少不了配紹興酒！越州家酿花雕十年陳擁有美美的白陶瓷樽身好養眼，浸熱好的花雕配襯話梅簡直是天仙配。 紹興酒擁有濃郁香氣和柔和的口感，口感豐滿而順滑每一口都帶來深邃的層次，並在回味中散發出悠久的餘韻非常醉人。 除套餐之外我們還散點了三款蟹饌來品嚐！率先以蟹油鹽水鴨松葉蟹棗$268/6件來打開胃口。 蟹棗口感彈牙且富有鮮味，面層鋪滿甘香的蟹油鹽水鴨肉絲，陸地跟海洋交纏出匹配的味道很可口。 正式進入蟹宴第一道菜蟹點三弄！包括有紅菜頭蟹肉海皇餃、黑魚籽蟹粉小籠包及松葉蟹肉千絲酥。 紅菜頭蟹肉海皇餃外皮煙靭不黏牙，充滿蟹肉鮮香的海鮮餡料口感十足，於一粒餃子內可嚐盡海洋的精華超划算。 黑魚籽蟹粉小籠包肉汁豐盈，帶有蟹黃鮮味的肉球口感鬆化，全件放入口來品嚐嘴巴真的非常滿足。 松葉蟹肉千絲酥弄得酥脆不油膩！內裏藏著絲絲鮮味的蟹肉，鬆化口感和蟹肉獨特的鮮味吃得我不亦樂乎。 接下來品嚐第二道散點的藤椒蟹粉花膠炒粉絲$368！甘鮮蟹粉和索味粉絲也是我的Favorite，兩者混成一體再加上養顏花膠及惹味微辣輕易取得我的讚賞。 回到套餐第二道菜X.O.醬銀鈎炒南澳洲翡翠鮑片！以惹味XO醬爆炒鮮爽的翡翠鮑片已經非常吸引，再加上質素高的濃香蝦乾這道菜確實誘人。 接下來最後散點的帝王蟹肉蛋黃蒸肉餅$298亦以上檯！蒸肉餅是我從小喜歡吃的家常菜，這個肉餅加上了鮮味的帝王蟹肉味道即時升級不少。 緊接著出場是熱辣辣的蟹粉焗台山蟹砵！蟹砵焗得非常金黃惹人垂涎吃下蛋香味濃非常甘香，比起生蠔蟹肉那鮮味更合我意，而且份量十足超級飽肚呢。 這刻我們要迎接主角清蒸江蘇大閘蟹！我們每人可以得到一隻約六両重的公蟹，好開心因為我最喜歡嘆仔仔嘻嘻。 打開大閘蟹看見有不少蟹羔，雖然未算好澎湃但吃下仍然甘香，而蟹肉亦非常鮮甜不錯吃啊。 如果不夠喉還可以優惠價$248嘆多一隻六兩重的公蟹。 吃罷寒涼的大閘蟹當然要飲杯薑茶暖胃！帝京軒的薑茶永遠也是那麼夠薑好好喝。 這刻端來蟹湯百合素八鮮時間恰好！濃郁的蟹湯配襯多款清爽的素菜，口感十足之餘不油不膩味道鮮香細膩。 單尾我們得到的是帝皇蟹肉蒜香糯米飯！糯米飯弄得清爽口感不錯，蒜香的味道滲入糯米之中吃罷齒頰留香，加上帝王蟹肉的鮮味就更加迷人了。 最後兩道甜品也非常出色！大良薑汁雪燕燉鮮奶質感香滑細膩，配襯爽口雪燕加上濃郁的薑汁令我不自覺地吃光光。 酥皮豆沙香蕉球炸得乾脆香口，內裏藏滿幼滑豆沙及香蕉甜美又迷人。 金秋蟹悅宴收費為$798/位兩位起由即日起至12月8日供應，想吃大閘蟹的朋友就要抓緊這短短的光陰喇。
間唔中會好想食返一盅兩件嘅點心，嘆下茶，又可以同朋友慢慢傾吓偈，過返個寫意中午💖💖 今日約咗成班靚女去帝京軒嘆茶，試齊特色小菜/燒味、出色點心、得獎作品等，真係大滿足😝 🔹胡麻高纖鮮淮山 對腸道有益嘅高纖鮮淮山，有健脾之用，食落口感爽滑，配搭香甜胡麻醬，絕佳組合令人食唔停口 🔹錦繡福豬三囍拼盤 有齊化皮金陵乳豬件、明爐潮蓮燒鵝及金牌黑豚叉燒 🔸化皮金陵乳豬件，外皮燒得香脆，帶焦香感，皮薄脆、肉鬆嫩 🔸明爐潮蓮燒鵝，燒製至相當酥脆、肉質豐腴嫩滑 🔸金牌黑豚叉燒，肉味極濃郁，燒至香氣十足，食落鬆軟略帶焦香，肥而不膩 🔹珍寶水晶鮮蝦餃 大大件珍寶鮮蝦餃食得特別過癮！晶瑩剔透餃皮透薄餡多，Q彈外皮包裹鮮美蝦餡，口感紮實 🔹蟹籽玉帶燒賣皇 燒賣皮Q彈有勁，包裹著鮮嫩多汁肉餡、彈滑帶子，為燒賣皇增添豐富味道 🔹蜜汁焗叉燒餐包 爆餡既雪山叉燒包滿滿香甜叉燒餡，鬆軟麵包包著JUICY入味叉燒，超出色 🔹糖醋鮮蝦炸小雲吞 經典香港小食炸得酥脆而不膩，外層香脆可口，內裡鮮蝦又夠彈滑，再沾糖醋汁，酸甜味美 🔹脆脆芝芯蝦春卷 冇諗過原來春卷配芝士係咁夾！金黃香脆春卷入口脆卜卜，咬開有半溶芝士同蝦肉，口感層次非常豐富 🔹豉油皇銀芽帶子炒腸粉 滑溜腸粉加入豉油皇、銀芽同炒，乾身得黎好惹味，色香味俱全～再加入鮮味帶子，肉質鮮嫩又豐厚 🔹油鹽水浸北京菜薳 翠綠菜心爽脆、軟腍適中，用上油鹽水浸煮法就更健康 🔹龍焱 今日有幸一嚐於中華電力「傳承低碳．全電煮食專業大賽」中獲得中式烹調金獎及「新型低碳電廚獎」之「龍焱」，屬陳文浩師傅得獎作品，三式前菜別緻又出色，活用龍躉魚柳每個部位，充滿夏日氣息，盡顯師傅專業技巧及創意！ 🔸可愛春卷包裹紫洋蔥、蒜蓉、辣椒，香脆辛辣又刺激 🔸精美花朵食落竟然係酸菜魚口味，底部仲有蟲草花、木耳，創意滿分 🔸香脆杏仁片配搭魚皮、魚蓉，口感軟滑、賣相一流 🔹四季豐料老火湯 章魚老火湯，具補氣養血、潤腸通便功效，湯頭美味濃郁，夜睡火旺者特別適合飲用 🔹櫻海老海皇焗蟹蓋 蟹蓋釀入鮮拆蟹肉、櫻花蝦、姬松茸、煙肉、雞髀菇、帶子、皇帝蟹柳等，材料極之豐富，再加入忌廉汁烤焗至金黃色，漲卜卜表面睇見都都好吸引！一啖入口層次感十足，滿滿海鮮及鹹香味，令人回味無窮 帝京軒✨ 📍旺角太子道西193號帝京酒店3樓
好兄弟嚟港，因為佢中午見客，唔想去咖啡廳飲西茶，所以特登揀咗有下午茶嘅帝京軒邊食邊吹水! 訂位時陳小姐話下午茶1400-1600 仲有全單75折，嘩~好吸引啊! 一於歎吓茶~ 食物種類繁多，我哋都好胃口，叫咗一枱滿滿的，有啲冇影相: 乳豬拼燒鴨及黑毛豬叉燒: 非常掂，屬必食之選! 焗蟹蓋焗得好靚又足料，抵食! 青檸香茅胡椒雞半隻: 夠入味，推薦! 以上全部係讚厨部! 希望管理層見到呢篇評論檢視吓你哋嘅安排，你既要做下午茶，但1515已嚟叫 last order，跟手幾分鐘就埋咗張單， 截數埋單冇問題OK呀，以為找數後可慢慢歎咁坐到1555, 因為眼闊肚窄，4人下午茶75折，折咗都盛惠兩仟蚊，仲有好多食物未食，點知1530已埋嚟多次收呢碟嗰碟，左右隔鄰冇人坐嘅枱全部擺枱Set枱當晚飲宴，响我哋附近穿插推呢樣嗰樣、推大枱面呀咁...雖然冇開聲叫我哋走，但個姿態係非常差👎👎👎! 响酒店中菜廳喎! 感覺似大排檔收工收檔咁嘅feel, 完全係不合格嘅表現🤦♂️! 建議你索性訂枱時講明下午茶90分鐘，1530清場! 而客人清場後你哋至乒鈴嘭唥咁執枱❗️❗️❗️😱😱! 唔好再話自己個茶市至1600! 嘥咗厨房咁靚嘅食物!🫣
食物擺盤很精緻，很有心思，食物質素不差，但份量性價比則略嫌不足
春天正是補身天 近嚟濕立立真係冇乜胃口！不過諗起之前喺帝京軒食嘅春日菜式，啲餸好清爽仲好滋補添即刻覺得有返啲餓意，我哋食呢個叫做春曉宴總共有七個菜咁多，第一個叫做滋潤、三弄入面有三款唔同嘅前菜擺碟好靚仔。 第一樣係超可以代表春天嘅豌豆伴春筍！以為佢好清點知原來用腐乳嚟煮，所以呢個味道係清中帶濃幾得意喎。 中間嗰件係海參龍爪菌，炸香咗之後嘅龍爪菌食落有啲脆脆口感菇味都好香我就幾鍾意，件海參整得好煙靭咬落去口感好好，同埋煮得好濃郁入味好好食呀。 最後呢個係蔥蒜蘿蔔餅！蘿蔔絲加蝦米同埋蔥蒜喺入面炸成一個小餅，炸到脆卜卜口感好香脆食落去清甜又惹味。 跟住嚟呢道菜係鮮淮山銀鈎炒澳洲鮑片！睇落去好似碟小炒王咁不過入面加咗鮮甜嘅澳洲鮑魚，加埋清甜嘅蒜心、淮山同埋鹹香蝦乾香口到不得了。 鍾意食蝦嘅朋友千祈唔好錯過呢隻白松露汁香焗虎蝦皇！大大隻嘅越南虎蝦新鮮爽口又彈牙，師傅用咗白松露嚟煮個汁香到一個點呀。 跟住呢一道菜係橄欖油胡椒無骨馬友魚！師傅將馬友魚起成魚柳跟住攞去炸到香噴噴，外面乾身唔油膩入面嘅魚肉好紮實，點埋秘製嘅黃豆醬一齊食仲正斗。 食到呢度我哋散叫嘅砂鍋蝦頭油乾煸花膠嚟到我哋面前即刻煮，師傅全副武裝將材料逐樣逐樣炒香，然後加入鮮甜蟹肉同埋養顏花膠，呢個時候啲女士們梗係睇到嘩嘩聲啦！ 呢個花膠加咗蝦頭油同埋蝦籽嚟煮，同平時炆嘅花膠完全唔同食法！花膠食落去好煙韌蟹肉又鮮甜，唔好話女士們連我哋呢啲麻甩佬都覺得充滿骨膠原好正斗。 食完花膠就要跳返去春曉宴嘅第五道菜！呢個時候上個貴州竹笙繡球菌菠菜苗超正，竹笙口感爽脆繡球菌菇味香濃，加埋啲滑捋捋嘅上湯菠菜味道好清新，解膩之後又可以繼續擦大餐。 呢碗係生拆嘅薏仁小米泥鯭粥，不嬲都鍾意食粥嘅我覺得呢碗用薏米同小米嚟煲嘅泥鯭粥都好唔錯，加埋入面有好多鮮甜嘅拆肉泥鯭呢碗粥真心吸引。 呢個餐嘅甜品有兩款咁多！一個係燕窩蘭香草莓糕另外一個係桑寄生首烏蓮子蛋茶，講個樣梗係個草莓糕吸引啲啦。 呢個草莓糕上面擺咗養顏嘅燕窩，中間透明嗰層係用蘭香籽造成嘅啫喱層，下層就係用草莓做嘅糕底層次感好豐富，最緊要係味道好真同埋唔會好甜。 呢碗桑寄生首烏蓮子蛋茶個味道其實都好香，入面仲加咗首為啱晒我呢啲麻甩佬食，不過我就唔係好鍾意食熟雞蛋，但係成碗糖水我係覺得好味嘅，