燈光比較暗 空間都算大 可以逛逛
泊車方便但冇優惠， 呢度係我去過咁多吉之島最大的一間
G/F超市，1-2/F百貨公司，1/F新開遊戲中心，還有兒童遊戲室
位置不太方便，離地鐵站較遠，待日後行人天橋完工後會更方便。超級市場面積大，貨品齊全，而且人流少於其他分店，行得舒服
一向都覺得奇怪點解呢間Aeon咁少人行，由停車場行入去就有一種怪怪嘅感覺，燈光昏暗，冰冷燈色毫無購物氣氛⋯設計上與黃埔Aeon & 太古Aeon有天淵之別⋯ 原來這個Aeon停車場🅿️喺沒有泊車優惠，星期一至星期五泊車$17/一小時，星期六日就$22/一小時。 致電客戶服務熱線電話，就話呢個場無泊車優惠（所以人少是其中一個原因）。不過購物🈵$400，會有$15優惠券乙張，購物🈵$600，會有$15優惠券兩張⋯ 好快購物完，剛巧有$400單據，咪即管去客戶服務部攞$15現金券，點知話我手機The Point無顯示入車紀錄（但我🚗入場時個閘自動開了，就直接入車場，根本就無嘟過部手機，嗰App無顯示我入車紀錄喺系統問題，我點知咁多咩！） ［旺角MOKO等停車場都喺咁樣自動入車，如果無我🚗紀錄，又點會自動開閘呀！］，因為見唔到我嘅App嘅入車紀錄，於是個女職員就無即時比我那$15現金券，仲叫我出車後再去攞過⋯（無提要攞出閘付💰收據） 點知出咗停車場🅿️，同行友人建議可以去取$15現金券，於是停低㗎🚗喺超市門口，攞埋張$400單據再入去客戶服務部取那嗰$15嘅現金券⋯ 呢一次個黃姓男職員聽到我用八達通付停車場💰，就叫我出示停車場🅿️嘅泊車收據⋯我都唔知要收據，頭先電話查詢時又無講，淨喺顯示手機八達通停車場付💰紀錄比佢睇，佢就話只喺紀錄並非收據，所以第二次去客服中心都仍然喺攞唔到嗰$15現金券⋯連一句「唔好意思」都無講，感覺奇差，真係不知所謂！ 其實為了那區區$15現金券要個客人行咗兩次去客戶服務部，仲遇到咁多限制，諸多阻攔⋯及之前電話查詢時沒有清楚表明，真喺令人氣憤！ 為了這些少恩少惠，令顧客失望完一次又一次，呢度根本沒有服務可言，影響公司形象，加上職員受訓不足，管理層真喺要加把勁！ 難怪越來越多人喜歡北上消費，淨喺人地嘅服務態度及殷勤程度都已經跑贏我地嘅店鋪幾條街⋯😔 下次要去Aeon都喺去返黃埔/太古，服務好好多，起碼嗰度啲職員快手殷勤有禮貌⋯