因為朱醫生專業同細心所以決定帶嫲嫲嚟做植牙咨詢，醫生比左非常好同專業嘅意見我地，準確判斷，唔會要我地選擇最貴，只會建議選擇最適合嘅治療方案，醫生同姑娘對於療程前中後期嘅過程、風險及注意事項都解釋得非常清楚，亦非常有耐心地幫助嫲嫲令佢更清晰及後嘅注意事宜，唔會做完就算，會細心跟進，令我地非常安心放心，嫲嫲亦表示之前係其他診所嘅醫生係治療其間都會整到佢好痛，而醫生非常溫柔同斯文，令佢對牙醫無左恐懼，依家可以正常食返野令佢更有自信，我地家人都對朱醫生同卓傲牙科有高度嘅評價🥳成為左我地家人非常信賴嘅牙科醫生😌 非常感謝朱醫生同埋卓傲牙科姑娘團隊🫡
隱適美箍牙後，左邊咬合唔到，令到依家食嘢只能用右邊咬，進食速度比箍牙之前慢了一半。 原因：做檢查時牙醫話我需要拔除左右兩邊後面的兩粒智慧齒，因為價格（9000）太貴而改去其他地方拔除，拔除之後我多次提醒已經拔除兩粒牙，牙套可否重新取模（當時牙模還未開始戴），醫生和姑娘都話不影響，次次都係佢剪咗個牙套後面的部分就俾我戴，好明顯帶上後左下牙套慢慢咬合變差，左下大牙慢慢想歪傾，跟醫生反應，醫生都話用剪刀剪完一樣，不影響。半年後做固定器（要我另加錢做三副用6年），我話現在左下的大牙咬合唔舒服，醫生話，唔係佢的問題，話我牙齒本身就係這樣，問我還需要再矯正嗎？如果需要就再加錢，我話冇需要了，後悔搵錯醫生……
用咗差唔多一年半時間箍完牙，當初唔知揀邊間嘅時候睇到卓傲嘅評論都幾好就決定試下。本身啲牙都幾迫幾亂下，以為一定要剝牙，點知檢查完之後磨牙都可以箍到。朱醫生磨牙洗牙同埋檢查箍牙進度都好細心而且手勢好好，姑娘講解注意事項都好詳細好清晰。真係值得推薦
整個箍牙過程好快，原本牙縫可以擺到個5蚊銀，現在咩都擺唔到，由8月做素描開始做牙箍，9月尾開始箍第一套，至現在4月完成，大概半年完成。比我心目中時間預期快左好多，成日都聽到話要1-2年。 價錢略略貴，但是服務質素良好，會跟進進度。但如果可以用錢買時間，這個是值得。千金都買唔到一秒，但現在千金買到時間。 洗牙費用略比其他診所貴百幾蚊，但易地而處佢地亦給予相對專業細心服務，每段時間只會接幾個客，唔會因為太多客人就敷衍求其，用價錢反映質素。另外疫情時無牙醫接新證洗牙，但朱醫生會接新證洗牙，而且洗牙細心。 唔知係咪我每次睇牙都好驚呢！我每次覆診都認唔到朱醫生😱，成日覺得唔同左醫生
箍咗牙兩年，好高興終於完成最後一牙箍。 我口腔比較細，所以好多時候都要花比其他人更多嘅時間處理，令我覺得有啲不好意思。不過，朱醫生同埋牙醫診所嘅姑娘都非常有耐性同專業，從冇催促我，令我覺得好放心。對於我箍牙嘅提問，佢地亦都會一一解答。 另外，朱醫生除咗箍牙技術好，洗牙亦係我見過最細心同乾淨嘅一位牙醫! 總結來講，我對今次嘅箍牙過程同效果非常滿意。好感激朱醫生同整個牙醫診所嘅姑娘。