因為近公司所以去試吓依個淡麗系豚魚介沾麵，單點價錢$77，加$10有嘢飲。 一份沾麵有4塊叉燒同埋一隻蛋，份量算多。麵條ok，彈牙。湯就淡啲，就咁飲都唔會太咸。叉燒就啱追求健康嘅人，因為一啲都唔肥。隻蛋就唔係好溏心，亦都無乜味。 最高分我會俾個環境，因為係酒店西餐廳，坐得舒服。如果加$40仲可以食salad bar buffet。 @Walter Bistro Holiday Inn
觀塘難得搵到一度坐得舒服 又唔太貴既地方 實在非常難得 本來諗住嚟食沾麵 嚟到叫見到隔離枱個炒米好正 忍住叫咗 仲有salad bar 湯好飲 下次會再嚟
來到觀塘智選假日酒店一樓的 Walter Bistro 餐廳，在門前也看到高樓底的優勢，以 Tiffany blue 裝修時尚法式設計配襯白色雲石枱令人感覺雅緻及奢華。 店員招待客人入座後端上每位一盅花旗參燉湯～熱氣騰騰又香噴噴，味道清甜可口，非常潤喉。 這裏的半自助晚餐有各式各款的選擇，有冷盤丶沙律菜式丶日式壽司丶熟食丶生果丶甜品丶movenpick雪糕丶最討人歡迎的是即叫即做的窩夫等等，總之令你口福大增。 而我喝完熱湯後，選了凍蝦～大大隻蝦爽口又清甜；沙白蜆～較細隻但很飽滿，粒粒彈牙；火炙金槍魚～新鮮嫩滑有咬感；麵包蟹～ 蟹肉飽滿又鮮味，蟹黃豐盈，濃濃海水味，啖啖也是膏，蟹膏結實又甘甜，令人垂涎欲滴回味無窮；太飽了，我的胃只能勉強再放下幾塊西瓜和菠蘿來完結這頓坐得舒適又開心的自助晚餐。
不用$400 任食生蠔 今日同朋友去觀塘買生酮零食，之後就在附近搵食，朋友話響附近有一間環境唔錯既自助餐，唔駛$400就有生蠔食，一聽到咁抵就當然係第一時間去試下啦。 行咗一陣就到, 原來朋友所講既自助餐就係響觀塘智選假日酒店1樓。餐廳裝修乾淨企理，以粉藍色為主，坐得幾舒服。 坐底之後，店舖就會為每一位客人送上一盅花旗參燉雞湯，入口甘香，火喉十足 我係為生蠔而來，當然係二話不說就先拿生蠔，生蠔新鮮，清甜爽口，而且供應從未間斷，食蠔都可以回本了。 自助餐另一必食既就係刺身，呢度有有厚切三文魚、吞拿魚及帶子，還有多款壽司供應，刺身都好新鮮 另外還有海鮮，海鮮有麵包蟹、海蝦同青口，全都好清甜，不錯 沙津吧，有沙律菜、薯仔沙律、香辣蓮藕片、酸辣木耳、煙三文魚、煙火腿、各式芝士等等，款1都足夠 熟食方面有南乳豬手、原條石斑、炆牛腩、蔥油雞、燒鴨、炒時蔬。我最欣賞係佢地南乳豬手，炆得好夠火喉，非常入味，我食咗好多隻。 之後再食咗烤西冷牛扒 食到好飽之後，最好就係食返個甜品，呢度有香港品牌Fruttato Gelato，還有餐飲，今餐真係好滿足，朋友無介紹錯。
由於疫情關係，好耐冇食過自助餐了。今次就同男朋友嚟觀塘呢一間智選假日酒店嘅半自助餐試一試，酒店嘅晚市自助餐更加有七五折優惠添。 👍🏻海鮮 自助餐嘅重點當然係生蠔啦，餐廳選用法國生蠔，唔算好大隻，不過蠔肉都相當飽滿(每人一次可以攞兩隻生蠔)生蠔非常之鮮甜，有淡淡海水味，餘韻悠長，師傅仲洗得好乾淨添！另外凍海鮮一大盤亦係自助形式：有蝦，長蟹腳，海螺，蟹鉗等等，亦都非常之新鮮，又唔太難拆殼！特別蟹腳肉好鮮甜好厚肉，肉質實淨！ 另外每位人客都有波士頓龍蝦半隻，肉質爽甜並無overcooked，熟成度拿捏得剛剛好，一吉就可以拆起成舊龍蝦肉！ 👍🏻熱盤 款式都幾包羅萬有，最驚喜係南乳炆豬手超級入味！其餘包括上湯娃娃菜、吉列蝦、春卷、鴨肉等等。 👍🏻冷盤刺身 全部用自助形式，沙律菜洗得好乾淨，而且凍肉選擇都非常多，風乾火腿片隔離仲好細心配咗好香甜嘅哈蜜瓜！ 當晚刺身選擇都非常多，有：三文魚、吞拿魚、八爪魚、帶子！雖然油脂唔多，不過即點即切，都食得出係新鮮，甜美！ 👍🏻主菜 肉眼扒配薯菜（+$38），叫咗五成熟，肉質非常之粉嫩，不會太老太鞋，就算有筋位都好容易切得開，再配合埋薯仔粒同蔬菜，均衡得黎又健康。 香煎雞胸，開頭以為雞胸會好鞋，但係食落好似雞腿咁樣，幾嫩口，切開仲滴咗啲雞油出嚟，醬汁類似燒汁，不過味道唔會好濃！ 👍🏻甜品 甜品選擇非常多，雖然唔係特別高尚既食材：木糠布甸、紫米糕、香蕉蛋糕、桂花糕等等。值得一讚嘅係餐廳嘅甜品甜度適中，全部都唔會太甜，非常之易入口。不過講到最回本緊係movenpick 任食！ 想特別一提酒店入咗一款香港自家牌嘅雪糕（Fruttato Gelato) 呢個雪糕低脂低糖，而且味道超多，薑味雪糕超級推薦！裏面仲有一條條薑絲！ 💡除咗每位送半隻龍蝦之外，仲送多咗一盎燉湯（當晚係花旗參燉雞湯）