🎄OpenRice熱榜十大自助餐The Farmhouse 咖啡廳 香港維港凱悅尚萃酒店嘅The Farmhouse 長期喺OpenRice熱榜十大自助餐同埋十大酒店餐廳，今次嚟一探究竟。聖誕節同另一半或者屋企人慶祝，呢度嘅節日自助餐真係值得推介！一入去就見到啲聖誕裝飾，氣氛一流🎅，仲有靚靚嘅聖誕樹擺咗喺餐廳入面，令整個地方都充滿咗節日嘅氣氛！🎉 餐廳有兩大區，一邊係熟食，一邊係冷盤。任食凍海鮮包括龍蝦、蟹腳、青口等等，仲有刺身🦑熟食區有多個菜式，中式、西式、印度。有聖誕節必食烤火雞🦃！仲有烤生蠔🦪，表面有金黃色嘅芝士，仲要即場烤完攞出嚟！蒜蓉粉絲蒸龍蝦🦞都算好新鮮，肉質彈牙，而且鮮嫩。仲有食肉獸最愛嘅烤羊腿🥩和牛冧肉🥩😍 甜品區都唔少得啦～朱古力噴泉🍫！仲有熱紅酒忌廉朱古力布甸🍷，超濃郁嘅朱古力味，表面嘅朱古力醬酒味好重。仲有開心果提拉米蘇，我一個人可以食三個😂😍開心果味好濃，配埋芝士同咖啡手指，香濃得來層次感豐富。12種唔同口味雪糕，包括香芋、牛奶焦糖、椰子、泰式奶茶等等🍨🍦特別啲嘅甜品仲有法式橙酒班戟🍊，即叫即做。 即日起至12月30日，加入The Farmhouse 咖啡廳會員，即可享Storellet網店獨家折扣：節日自助晚餐 6 折✨ 每位成人都只係 $531.1 (原價：$748)🔥 消費儲積分可以換免費自助午餐及晚餐🥰😍
香港維港凱悅尚萃酒店「The Farmhouse咖啡廳」，於12月推出左「節慶主題自助餐」，提供多款節日限定滋味美食 即日起至12月30日，加入The Farmhouse 咖啡廳會員，即可享Storellet網店獨家折扣：節日自助晚餐 6 折✨ 成人每位只係 $531.1‼️加入埋The Farmhouse Deli餅店會員，即可享餅店與本地手工朱古力品牌Conspiracy Chocolate聯乘產品系列 $5優惠券✨另外仲可以消費儲積分，換免費自助午餐及晚餐 冰鎮海鮮區供應波士頓龍蝦、磯煮鮑魚、鱈場蟹腳、青口、蝦及蜆。龍蝦好新鮮，啖啖肉！鱈場蟹腳都非常鮮甜，正呀 刺身魚生有三文魚、吞拿魚、八爪魚、甜蝦、帆立貝及油甘魚。每款都新鮮肥美，滿有魚鮮味 熱盤 熱食有好多種類，包括明爐燒味、印度美食、鑊炒美饌、東南亞美食及源源不絕的燒烤食物等等，用心製作 烤焗生蠔 芝士白汁焗生蠔🦪都幾新鮮，飽滿又多汁，滿載鮮味 煙肉蘋果餡的原隻節日火雞✨香草芥末燒牛肉 蒜蓉粉絲蒸龍蝦 鮮果撻、肉桂香梨金寶、雜錦果仁撻、開心果提拉米蘇 甜品選擇多元化，整體質素好高！仲有一系列節日甜點精選，例如開心果提拉米蘇、經典史多倫蛋糕及即叫即製的法式橙酒班戟！ 聖誕主題朱古力噴泉 佈置得好有聖誕氣氛嘅朱古力噴泉！可以搭配棉花糖、士多啤梨🍓泡芙 十二種口味雪糕 放滿12種口味雪糕的巨型雪櫃，總有一款啱心水！我自己就最鍾意抹茶味，濃郁富茶香，好高質素 經典熱朱古力 & 香料熱朱古力 The Farmhouse Deli 餅店與本地手工朱古力品牌Conspiracy Chocolate合作的飲品。熱朱古力採用佢哋嘅優質原豆手工朱古力，朱古力味香濃突出，甜而不膩，口感絲滑！ 三重朱古力泡芙 賣相精緻吸引的三重朱古力泡芙🍫上層係濃郁朱古力球，當中加咗少少爆炸糖，好特別。泡芙外脆內軟，夾心係焦糖餡，甜美可口！聯乘產品將於2024年11月18日至12月30日期間在The Farmhouse Deli 餅店每日供應，時間為上午11時至晚上8時，售完即止
位於北角的香港維港凱悅尚萃酒店，其酒店餐廳 The Farmhouse咖啡廳聯手屢獲殊榮的杭州君悅酒店的米芝蓮星級餐廳—湖濱28餐廳，由餐廳副總廚及其團隊親自來港坐鎮 The Farmhouse 咖啡廳並精心炮製一系列正宗江南美食，以昇華自助饗宴的美味。 全新推出的「味遊 · 杭州」自助饗宴（即日至 11 月 30 日供應），以正宗江南美食為主題，美食亮點包括一系列傳統江南名菜，當中包括得獎名菜鎮江餚肉、西湖藕韻、二十年花雕酒蒸遠海梭子蟹、龍井蝦仁、東坡肉、蟹粉豆腐、大湯黃魚面等，以及精心炮製的鮑魚 XO 醬炒飯、黑松露炒和牛、龍蝦伊麵、鑊炒龍蝦、蟹肉喇沙湯麵、鎮江薑醋蒸大閘蟹等，每位更贈送一隻時令的十年花雕熟醉大閘蟹，讓食客沉醉江南美食滋味。供應期有限，快啲把握機會啦！ 味遊 · 杭州自助晚餐 (18:00 - 21:30) 供應期至2024年11月30日 🔸星期一至四 成人 $748 | 長者 $488 | 小童 $374 🔸星期五至日、公眾假期及其前夕 成人 $798 | 長者 $538 | 小童 $399 網上訂購有6折
11月30日前都做緊「味遊 · 杭州」主題既自助餐，晚市每位有一隻大閘蟹。🐻係星期一晚去食，當晚亮點有鎮江肴肉、江西湖牛肉羹🍲、花雕酒蒸遠海梭子蟹🦀、東坡肉🐷。 ✿麵包🥖芝士🧀火腿🍖沙律🥗 🥖🧀🍖各有3款。沙律主要🥬🥕、五香素雞沙律、涼拌萵筍木耳、蟹籽青瓜天使麵。 ✿冰鎮海鮮🦐 蟹腳🦀、蝦🦐、青口、翡翠螺🐚、蜆。蟹腳海水味較重，肉質都算飽滿；翡翠螺厚肉得黎幾彈牙。 ✿刺身🍣 三文魚、呑拿魚、油甘魚、八爪魚。都算幾厚切，三文魚幾肥美，呑拿魚望落唔錯但口感麻麻。 ✿熱葷 港式燒味、小炒王、蒸魚🐟、鮑魚粒炒飯、喇沙湯麵檔、西班牙海鮮飯、烤牛肉、烤扇貝、香煎鱸魚配黑松露野菌汁、印度咖哩🍛 ✿甜品🍮 水果🍎、雪糕🍦 、燕窩杏仁布甸、楊枝甘露布甸🥭、栗子布朗尼🌰、紅豆銅鑼燒、黑芝麻泡芙、蜂蜜蛋糕、桂花綠豆糕、木瓜雪耳糖水、堅果撻。 ✿飲品🥤 任飲罐裝可樂、忌廉、雪碧。 ⭐️味遊 · 杭州自助晚餐 (18:00 - 21:30) 星期一至四 成人 HK$748 | 長者 HK$488 | 小童 $374** 星期五至日、公眾假期及其前夕 成人 HK$798 | 長者 HK$538 | 小童 HK$399** 💬成為會員即可領取6折自助餐優惠券 💬消費儲積分換免費自助午餐及晚餐
今次係用KKday買一送一優惠，食自助晚餐，晚餐時段由6點開始入座，今次晚餐主題係「味遊 杭州」，所以一坐低，職員就派發換領劵一人一張，可以係熱盤區換一隻花雕熱醉大閘蟹。 熱盤區有西湖牛肉羹、花雕酒蒸遠海梭子蟹、中湯、印度薄餅、烤牛柳、帶子... 等等。 冷盤區有長腳蟹、蝦、螺、刺身、壽司、沙律... 等等，可惜無龍蝦。 甜品區有蛋糕、燕窩杏仁布丁、楊枝甘露、綠豆糕...等等，樣樣都做得唔錯，幾好食。 仲有好多唔同咪道嘅雪糕，我哋今次只揀咗3隻味，都覺得好滑好濃味，好食。 總結：大閘蟹好味，冷盤熱盤食物選擇都算多，餐廳環境清潔乾淨，座位舒適、枱面亦夠大，仲有值得一讚嘅係負責熱盤區嘅幾位女職員嘅態度都好好，有笑容又肯幫人。