本人經有會員會藉的朋友相約來這家旺角Ruby Tuesday不止一次，我們幾位坐低後約十分鐘都沒有一位員工主動上前來幫我們點餐。男經理ZaphxxxX更對我們埋單問題的服務表現態度極度惡劣，已即時向貴公司的客戶服務部作出投訴，並要貴餐廳的服務質素及員工培訓作出合理的回覆。餐廳食物質素ok，但服務質素極低！勿試！
因平時都會同好友一齊用餐飲嘢（好友系會員），咁我買單時都系用會員價，今日同屋企人旺角行街上去下午茶，去用餐時巳出示會員資料，最後買單時樓面經理極冇禮貌，態度非常惡劣同我講信用卡與會員不同名不能享用會員價，所有消費只可以原價，但因我之前都係同一張卡買單系冇問題嘅，所以我並不知情餐廳的指引准則系今日不同昨日，而且我覺得餐廳在這種情況之下按照收費准則需要收取原價亦冇問題，你只需要同顧客解釋清楚，就算我即時買埋會員亦無妨，之但系呢個樓面經理對顧客的態度真是惡劣到讓人望而卻步⋯⋯不會再幫襯，建議不是會員慎入，原價冇性價比，咁嘅價錢在旺角大把餐廳可以選擇😓
星期一至五Ruby Tuesday午餐由$58起跳，豐儉由人，而且質素不錯。餐廳環境寬敞，枱與枱之間距離頗闊，沒有一點擠迫感，係一個不錯午飯地點，可放鬆一下。 我哋選擇兩個午餐， BBQ雞扒和煙肉牛油果烤雞漢堡，每個餐加$15就有是日餐湯和鬆餅。當日餐湯係忌廉蘑菇湯，味道香濃嫩滑，濃稠適中，配上鬆餅，真係完美。 BBQ雞扒，大大件啖啖肉，雞扒鋪滿醬汁，味道和露比燒排骨一樣，香甜微辣，刺激味蕾。配菜份量十足，有外脆內軟熱辣辣薯條， 香甜蜜味嘅南瓜和番薯。 真係飽肚十足。 煙肉牛油果烤雞漢堡，炭燒烤漢堡，香氣十足且脆軟，雞扒嫩滑，內裏有多種配料，牛油果，紫洋蔥，車打芝士，蕃茄和生菜，配搭得宜，配上熱辣辣嘅粗薯條，相得益彰。 Lunch set包埋飲品，加數十元就可食甜品雪糕，但太飽了，下次才試試吧。
Ruby Tuesday可謂本港連鎖西餐廳的表表者，分店遍及尖沙咀、銅鑼灣、九龍灣、荃灣、將軍澳等地，尤其是以菜式份量十足見稱，成為會員更可享有半價優惠，物超所值。 除了經典燒排骨、超級漢堡、穀飼牛斧頭扒等招牌菜式外，旺角分店更設有Free Flow套餐一小時內任飲五款酒精飲品，平日下午五時至晚上十時每位更低至$88。 手撕豬墨西哥烤薄餅 ($159/318) 墨西哥薄餅當中夾住手撕豬、番茄粒、車打芝士等材料，芝士份量尤其澎湃故整體味道上亦獨霸一方，豬肉配以燒烤醬略帶煙燻香氣惟肉質稍為乾韌，附上酸忌廉及番茄洋蔥莎莎酸酸辣辣份外清爽。 精選和牛蘑菇芝士煙肉漢堡 ($174/348) 法式牛油軟包烘得外脆內軟之餘牛油香氣醇厚，和牛漢堡肉汁豐富且油香四溢，選用蒙特利傑克芝士（Monterey Jack Cheese）味道溫和不至喧賓奪主，煙肉焦脆鹹香加上炸洋蔥碎份外香口，炒大啡菇片、生菜、番茄及酸黃瓜恰好能中和整體油膩感。 大蝦香草意大利幼麵 ($124/248) 意大利幼麵口感偏軟但掛汁力強，香草忌廉汁近似青醬般帶陣陣羅勒香，但加入忌廉及巴馬臣芝士更加濃厚稠密並富奶香。 特級Aged Prime西冷扒 ($264/528) 十二安士西冷扒選擇五成熟度恰如其分，西冷本身肉質比較結實固然不及肉眼軟嫩，但肉味香濃且脂肪比例均勻惟筋位稍多。 芝士煙肉焗薯薯仔粉糯綿密焗得透徹並帶牛油香，配上芝士、煙肉、酸忌廉及自選的蘑菇汁毫不單調。
【會員半價💥 高質抵食美式餐廳✨】 推薦程度：●●●●● 抵食程度：●●●●○ ——— 相信大家對Ruby Tuesday呢個名都唔陌生✨ 旺角地鐵站上嚟1分鐘到，超方便又唔怕落雨☔️ 環境舒服，適合一家人/朋友聚餐，亦好啱情侶嚟慶祝紀念日🥂 會員價係半價50%OFF🔥 折後超抵，大大碟、質素高，瞬間CP值大增🤩 旺角店平日晚上5～10pm低至$88仲有1小時任飲5款酒精飲品嘅優惠添🤍 🥣 周打蜆湯｜MEMBER $39 超稠杰、勁creamy！啖啖蜆肉、洋蔥、薯仔、煙肉等配料，好足料！不過一人一碗會有少少漏，建議2人share一碗🫶🏻 🌟 推薦 - 地中海沙律｜MEMBER $114 有鷹嘴豆、橄欖、核桃、甜椒、菲達芝士、蕃茄等等材料配沙律菜，比起凱薩沙律嗰啲冇咁膩同heavy，成件事好清新🌱 雖然冇咩醬料但好多食材堆疊，所以口感同味道層次都好豐富✨ 清新開胃之選🙌🏻 🌟 推薦 - 手撕豬墨西哥烤薄餅｜MEMBER $159 豬肉肉質好SOFT，帶煙燻香味同微微辛辣感，配埋芝士成個餡料好惹味，微辣亦更吊出豬肉嘅肉香🔥 薄餅好薄，入口後存在感唔太高，唔會好粉感、好飽濟👍🏻 單食都已經好有驚喜🌟 旁邊甜椒醬可以中和到辛辣刺激感，成件事中和咗，適合唔食得辣嘅朋友🫶🏻 🌟 推薦 - 特級Aged Prime西冷扒｜MEMBER $264 叫咗5成熟，恰到好處✨ 表面微帶焦脆，內裡肉嫩多汁，好正🤩 冇筋、肉質軟綿，只有邊位帶肥膏所以唔會好油膩，平衡到牛脂香同膩感🙌🏻 焗薯配上酸忌廉、芝士同煙肉碎，冇一般炸薯咁漏～ 大大件好飽腹🙌🏻 旁邊嘅南瓜同紅蘿蔔大大件而冇草青味，但個人喜好以言再腍啲會更好🥺 🌟 推薦 - CUCUMBER MOJITO (L)｜MEMBER $148 大杯到傻😂 單手拎都有少少困難，可以2人share飲🫶🏻 青瓜芳香撲鼻，配埋青檸同薄荷葉呢個清新鐵三角組合，勁解渴解膩🥒✨ 🥧 APPLE CRUMBLE｜MEMBER $44 原個燒板上，仲有一大球雪糕，好吸睛🤩 蘋果係一大片一大片，幾爽口，但有少少搶咗crumble碎嘅酥脆感～ 個人認為蘋果蓉/切細件少少腍身啲更冇咁喧賓奪主🙌🏻 整體冰火交融嘅感覺唔錯，亦唔會太甜，推介俾鍾意爽脆感嘅朋友🤍