٩(๑❛ᴗ❛๑)۶推薦！沙田凱悅酒店自助餐 紅日前夕約朋友黎大學站食酒店buffet，6點幾去到都8成full～Openrice book位有6~7折，計返都唔算好貴。最緊要環境坐得幾舒服，staff全部都好友善有禮貌，好加分💯 1915同1930會叩鐘，分別有芝士焗龍蝦同斧頭扒，可以排隊拎～條隊勁快所以完全唔使擔心😂，2樣都好好食😍 🔅海鮮 有長腳蟹、龍蝦、扇貝，夠新鮮，幾肥美🤭 🔅熟食 主要分中同西式，睇完黑白大廚見到東坡肉忍唔住想食😆，都幾入味，仲有鮑魚、花膠、蒸石斑🐟、車仔麵🍜 🔅沙律冷盤 選擇都好豐富，魚生都唔錯🍣 🔅甜品 比一般酒店甜品好食，平時好多都得個樣🤣，仲要選擇夠多。法式千層酥既酥皮唔會太厚，又夠脆，唔會食到好狼狽🤭。另外仲有即叫即整pancake、雪糕、生果等等～🍍超超超甜！窩夫新鮮出爐都幾香幾脆 🔅飲品 選擇唔算多，不過呢樣唔係重點所以ok🤣 💬雖然酒店喺大學站但都好就腳，環境、食物同staff都比之前食過既好，overall好滿意😳
2024年9月2號晚餐 提早請家人食中秋團圓飯， 星期一至日晚餐自助餐價錢和食物也相同，而且沒限時由6點到10點，可以慢慢享用美食 可能是平日晚餐自助餐，沒有太多顧客，感覺職員比顧客還多 地點方便，距離大學站大約5分鐘路程 咖啡廳位於酒店L層，咖啡廳樓底很高，座位舒服，環境不嘈吵，只是覺得冷氣不太足夠，還有洗手間環境昏暗 服務很好，吃完的碗碟很快被收走，而且主動加水，廚師們也很主動查問顧客需求和派發食物 長腳蟹很出色，吃得出鮮味，肉質結實彈牙，不會過咸，好耐沒有吃過自助餐這麼好吃的長腳蟹了 有冷盤龍蝦和芝士焗龍蝦，也很好吃，但比較喜歡冷盤的龍蝦，肉質較爽彈鮮味，焗龍蝦的肉較結實 沙律選擇也很多，每款都好新鮮和好吃，比較喜歡蕃茄那盤，各款不同顏色的蕃茄，很好吃 刺身有帶子，三文魚，吞拿魚，甜蝦等等，只吃了某幾款，都好鮮甜，還有壽司，但因為太飽就沒有吃了 湯有2款，熟食款式也多和好味，refill的速度也很快，最意想不到是烤肉很好吃，皮脆肉嫩，pizza也是很好吃， 甜品也好吃，還有即制pancake,有雪糕球，最喜歡麵包布丁，很香，但不會太甜 飲品選擇少，只有咖啡機和一款飲品，但忘記了是什麼了，很像果汁的，不會太甜，好喝 有很多款食物也未嘗試，因為太飽了，下次會再去這裡食自助餐的，因為各款食物都好平均，很好吃，大人和小朋友也很滿意，吃得很開心
龍蝦肉死實，蟹腳咸乾，牛羊豬和其他都一般，網上訂座後7折 兩人都要$11××.
喺 1am1267 嘅時候，我寫咗我去沙田凱悅酒店住宿嘅經歷。喺我寫呢篇嘢嘅時候，我嘅世界已經變得唔再一樣，之但係既然我開設咗呢個平台，而亦都有部份讀者一直都 keep 住支持我，我都唔可以令大家失望，點都寫埋佢。上次寫到住宿裡面係包埋「自助早餐」，個早餐就係喺佢哋酒店大堂嘅「沙田凱悅酒店咖啡廳」進行，熟悉我嘅朋友都知我真係好少咁早起身食嘢，然而我係願意為咗呢件事而修正自己嘅習慣，做到嘅咪盡力做，無愧於心嘛。佢哋嘅早餐都係正常酒店自助早餐，加入咗益力多呢啲神州客嘅需要係特色嚟，仲有麥精維他奶，正。而廚師製作係奄烈，我都整咗份，熱辣辣又香噴噴，幾好。烘多士嘅話周圍都有，但係佢有咖央醬提供，算係多個選擇。中式點心係我關心嘅食物之一，有炸蝦角係驚喜，不過冇沙律醬就扣返啲分喇。食食吓仲有推車仔推銷班尼迪泡蛋，我都要咗份，係唔錯嘅。整體嚟講，以我呢種作息習慣都引到我食咁多嘢，就知佢哋係唔錯，開心嘅一餐嚟。
推介 榴槤甜品 檸檬批 疏乎厘 海鮮的話蝦蟹質素一般 生蠔質素合格 刺身除咗吞拿魚都算合格 好平買二送一 每人400樓下包白酒紅酒 服務質素有待改善 有個呀嬸parttime 夠膽死命令口吻叫人自己攞走餐具