龍蝦肉死實，蟹腳咸乾，牛羊豬和其他都一般，網上訂座後7折 兩人都要$11××.
喺 1am1267 嘅時候，我寫咗我去沙田凱悅酒店住宿嘅經歷。喺我寫呢篇嘢嘅時候，我嘅世界已經變得唔再一樣，之但係既然我開設咗呢個平台，而亦都有部份讀者一直都 keep 住支持我，我都唔可以令大家失望，點都寫埋佢。上次寫到住宿裡面係包埋「自助早餐」，個早餐就係喺佢哋酒店大堂嘅「沙田凱悅酒店咖啡廳」進行，熟悉我嘅朋友都知我真係好少咁早起身食嘢，然而我係願意為咗呢件事而修正自己嘅習慣，做到嘅咪盡力做，無愧於心嘛。佢哋嘅早餐都係正常酒店自助早餐，加入咗益力多呢啲神州客嘅需要係特色嚟，仲有麥精維他奶，正。而廚師製作係奄烈，我都整咗份，熱辣辣又香噴噴，幾好。烘多士嘅話周圍都有，但係佢有咖央醬提供，算係多個選擇。中式點心係我關心嘅食物之一，有炸蝦角係驚喜，不過冇沙律醬就扣返啲分喇。食食吓仲有推車仔推銷班尼迪泡蛋，我都要咗份，係唔錯嘅。整體嚟講，以我呢種作息習慣都引到我食咁多嘢，就知佢哋係唔錯，開心嘅一餐嚟。
推介 榴槤甜品 檸檬批 疏乎厘 海鮮的話蝦蟹質素一般 生蠔質素合格 刺身除咗吞拿魚都算合格 好平買二送一 每人400樓下包白酒紅酒 服務質素有待改善 有個呀嬸parttime 夠膽死命令口吻叫人自己攞走餐具
是日母親節日，各大酒店的自助餐均爆滿，最後能預約到這裏。 地方雖然不算大，但骨子包羅萬有。 各款熱食味道不錯，比得上茶餐廳的鑊氣。 但有兩大不滿： 自助餐途中出現了一輛推車，是士多啤梨果茶，但是派發了10多杯之後派完，當我在詢問想要一杯的時候，侍應解釋說是限量派發的，他們只準備了這樣的數量云云，這個解釋在自助餐裏不能接受。雖然每位也包括餐飲，但是這個安排有還不如沒有。另外餐飲檸檬茶只放兩塊檸檬，拼命地督檸檬也沒有檸檬味。 另外一個不滿地方就是，有一個芝士焗龍蝦和斧頭扒的派發方法，就是預先告訴每台客人一有響鈴就代表出餐，引發響鈴時各客人飛奔到廚房排隊，非常失儀失禮。但是派發到最後份量又足夠每位客人享用，本人覺得如果可以為每客人安排一份送上會比較合適，也令各客人滿意。 味道：＊＊＊＊ 飲品：＊＊＊＊ 環境：＊＊＊＊ 服務：＊＊＊＊ 價錢：＊＊＊ 等候：＊＊＊＊ 主觀整體感覺：＊＊＊½ 晚餐人均$740。 #食べログ #食べ物記録 #foodie #hkfoodie
第一次嚟呢間酒店食buffet，環境好寬敞，人手都好足，食完一碟好快就會幫忙收碟👍 沙律、火腿&芝士都好多款，而且夠新鮮🥗而我就好快去左拎海鮮&刺身，種類繁多，有凍蝦、帆立貝、好多膏嘅龍蝦、蜆、吞拿魚、三文魚同帶子，每樣水準都唔錯😋 熟食方面，中式、西式都有齊，中式最hit嘅有紅燒花膠同鮑魚，仲有入口溶化嘅東坡肉，當然唔少得車仔麵、老火湯、臘味飯、原條清蒸石班、燒味、鵝掌等，每樣食少少都好夠飽🤩 西式嘅有意式雲吞、鱈魚、pizza、羊架、德國腸、羅宋湯、即切豬手，仲有一大盆西班牙海鮮炒飯，夠晒吸睛🤤 甜品有不同款嘅切餅，有我愛嘅鯛魚燒、pancake & 雪糕、麵包布甸等，算係甜蜜的句號🥰最後食返d生果解下膩，超滿足🧡 *重點推介：每半個鐘都會推出特別款，6:30PM有 焗牛油果配鮮蝦&柚子芝士醬，熱辣辣好香濃芝士味🧀 7:00PM就係火焰芝士焗龍蝦，都幾大隻又彈牙，仲食到好多膏🦞 7:30PM有肉質粉嫩嘅炭烤斧頭牛扒，好腍身易咬🤤