保養期想約treatment，治療師已讀不回，呢間野真心差。收錢嗰陣好有效率，收完錢話之你，已讀不回慢慢等。
原本我係疫情前join佢哋舊機plan嘅，當時嘅治療師好好亦冇hard sell。 疫情期間我冇上去做療程，直到疫情完咗先約返。但係之前嗰位治療師已經冇做，轉咗另一個人跟進。 因為我覺得做舊機痛，所以想轉做新機。 之後佢哋應該係training新人？所以又係另一個人幫我做療程，佢唔小心介傷咗我，唔係好嚴重所以我冇追究。 whatsapp confirm 咗約期，原來冇幫我約到，double confirm 返佢哋個app先發現佢哋仲買錯plan。 我一直都係non peak plan，non peak時間做療程，佢哋唔知係疏忽定詐騙幫我改買peak plan。 直到現時為止，打電話上去永遠都話經理忙緊跟緊客，reception同事話會幫我提經理覆電話，第一次話一兩日會覆，我心急第二日再打去追，reception就話一日或者兩日，講真乜聽個電話好難？ 好喇，等到經理覆。解決方法一係就將脫毛舊錢switch去佢哋其他品牌，例如減肥。一係就將差價抽起當按金，買佢哋嘅嘢。兩樣我都唔需要，可以退返差價就最理想。 佢哋話要等公司覆，promise一兩日大概幾點會覆返，又話冇人聽都會留言，最後幾日都冇收到佢哋電話，再打上去問，reception都係話經理忙緊、跟緊客、會催佢覆我🙂想講，連個差價係幾多，佢哋都未講 update：未收到電話回覆，不過已經收到電郵回覆。大概就係屈返我轉頭，話係我喺app嗰度自己買嘅。事實上係約時間同買plan轉plan都係佢哋嘅同事入機嘅。 原本冇期望佢哋會肯退差價，不過佢哋咁樣屈人真係一肚氣。 打算幫襯嘅話就記住小心啲，樣樣都睇清睇楚。
職員態度極度惡劣，太太之前簽了合約，繳了一大畢費用，去脫毛時又再sell新plan，sell的時候態度好好，聽到唔再簽單，態度就180度轉，好似上去10次 就要新簽10次服務合約咁，唔簽呢，就唔好指意會對你好聲好氣，真係衰到無人有，有錢都唔會再join啦。
小心，黑店！ 呢間公司內部training 應該好差，同事間嘅關係同埋店舖氣氛應該都唔好。 你睇佢地行步嘅姿勢都feel到好假。 由17年開始join都覺得佢地好冇人情未，sales又唔識同你傾計，每問你問題都係為問而問，傾計內容完全冇靈魂，佢哋應該好大工作壓力，早期亦經常換唔同治療師。 直至21年做保養，有個治療師叫穩定啲每次都係佢，但態度唔好，仲要串口串面咁話：其實打唔打到都係睇個治療師有冇心機同肯唔肯同你打，咁好明顯呢條友就係hea打。 到22年換左人，又話新機先打到，舊機冇用，即管試下，結果join完3次係真係有用左，但佢只會冇止境瘋狂叫你在join新機，唔同佢買就話舊機保養約唔到期，根本黑店。 又話依加唔興保養，又話舊機打唔到啲毛，講到咁廢你公司唔掉左部機佢嘅？ 5年內換過無數個治療師，而且個個都係覆得咁死板，咁即係公司制度有問題，如果佢哋內部氣氛係融洽，根本唔會出現咁多有問題嘅治療師， 所以大家如果想脫毛，其實真係可以唔駛再考慮呢個牌子，同埋呢個品牌旗下嘅嘢，例如冷凍溶脂，吸黑頭什麼污糟水嗰間，啲員工服務水準都係一樣。
我已經在很久以前就有他們的脱毛療程 聽講而家嘅療程叫做舊機/新機分別 當時兩年前都不知道 一向購療程都有一個叫做永久保養 當時期保養一直都有 直至本來嘅治療師冇做 我都冇人再跟進 然後係2021年打算再返去保養 因為仲有幾條有細嘅毛毛係胳肋底 點知有一個好肥嘅 同我講 嗰啲無法係不能夠用舊機打走 然後要求我用新機做 佢同我講話好多客人都係咁 跟住就話永久保養而家冇㗎啦 大家都應該知道佢哋嘅價錢係唔會寫出嚟 當時佢就整咗好耐 返嚟同我講話當我係complain case 我都O咗嘴 所以公司俾咗個好優惠嘅價錢（聲稱原價要二萬幾）而家七千幾蚊就俾我啦 然後 我就開始做呢個療程 發現做咗都應該有七次啦 係完全冇作用嘅！ 而且我亦了解坊間好多 未到七千幾蚊已經可以 再脱多幾part 我深深感到後悔 然後治療師同我講 係因為我做得比較少 所以未能完全清除 因為新機 佢係分次數購買啦 咁我就問 我唔係得返幾次？ 佢就話放心你仲有好多😑 但係我明明真係睇到自己得幾次 所以係咪伏 講真真係有啲擔心！ 佢嘅服務係好好啊環境係好靚 但係佢唔係明碼實價 好多都係海鮮價 （咁多年都係咁）講真其實佢哋嗰部機 係咪真係咁把炮呢？！ 可能佢真係靚小小嘅 但又未必真係收得咁貴掛！如果真係要購買療程嘅請你哋真係要謹慎諗清楚！ 我自己身邊嘅朋友 好多都係因為個師傅冇再做 然後就冇人跟進 變咗孤兒 一直都未能夠進展得好好 團務嘅情況都未如理想！ 我朋友同我講 你一定要大發雷霆 咁先可以得到 如果唔係佢哋係死都唔會俾你㗎🫣