朋友們對食物都讚不絕口👍👍 訂貨送貨服務都好滿意👍👍 朋友們會惠顧你哋。 加油！
好滿意嘅到會!!! 食過咁多間到會，得佢哋會準備埋食物夾同大湯匙😨😨好好好方便呀🤩🤩食物都好味，特別係個千層麵！原來下面係薯蓉😋😋不過個雞翼就炸到有啲乾同硬，可以改善吓，其他都冇咩大問題👍🏻👍🏻推薦！
推薦！有驚喜！ 之前訂過一次for學校家教會聚餐，乾淨企理，冇漏汁仲有保溫袋，服務好好，我勁多問題問但客服又冇表現到不耐煩，覆得好快！讚！之前幫襯過其他到會公司，對比之下真係覺得呢間服務的確好好多。好多人問我拎公司資料，話下次叫 今次幫侄仔準備生日，見有小朋友生日派對到會，真係好驚喜！有齊所有基本生日佈置，最正係有蛋糕架，成件事好高級，個糖果盤連我屋企人都讚，個芒果布甸好食 送到嚟都冇溶 推薦～成個餐同網站影嘅相到一樣 好睇又好食 嚟緊係婆婆生日，老人家話要叫翻一樣小朋友生日派對到會 ，我同客服講9月會再訂，竟然俾個優惠我，勁有人情味！ 生意興隆！！！！
第一次叫到會嘢食 可以話完全打破我 “到會=大份 貴價 外賣”嘅刻板印象 可惜因為聚餐當日落大雨，司機比預期遲咗5分鐘左右 不過發現塞車情況後司機好有交代打電話過嚟通知返邊個位置塞車導致遲到... 淨係呢點已經贏咗叫外賣（熊貓袋鼠keeta嗰啲AI式應答真係廢過紙匙羹，九唔答八） 本身因為近期詐騙猖狂有啲驚會係呃錢公司，不過CS落單過程細心 友善真係紓解咗我大半嘅擔心 仲會好好心提醒我記得禮拜一落單有優惠 食物份量同quality計返真係唔算貴 大份 好食 仲要會跟食物夾大鐵羹方便分食物 不過包食物嘅保溫袋咁大個唔係好知可以點處理😅 廢物重用我又真係無咁多野要保溫攞出街呢 首次體驗相當滿意呀 會推薦俾朋友（party food黎講贏咗pizza hut之流8條街左右）
呢間到會公司好有誠意啊，不但食物份量充足，而且味道十分有驚喜，餐具精美美觀，客服小姐姐好有耐性解答我嘅問題，會推介俾我啲朋友, 希望多啲人留港消費，欣賞下本地企業，祝生意興隆😆